Татарстан пенсионерлар күп яши торган Россия төбәкләре арасына кергән: республикада якынча 1,1 млн пенсионер гомер итә. Бу хакта РИА Новостиның рәсми статистика мәгълүматларына сылтама белән «Татар-информ» яза.
Илдә пенсионерлар саны буенча лидер булып Мәскәү төбәге һәм Краснодар крае кала – аларга Россиядәге өлкән буынның 16 проценты туры килә. Мәскәүдә – 3 млн чамасы эшләүче һәм эшләмәүче пенсионер, Мәскәү өлкәсендә – 1,95 млн, Краснодар краенда 1,6 пенсионер исәпләнә.
Пенсия алучылар саны буенча беренче бишлеккә шулай ук Санкт-Петербург (1,44 млн) һәм Свердловск өлкәсе (1,25 млн) керә. Алардан соң Ростов өлкәсе (1,15 млн пенсионер) һәм Башкортстан (1,12 млн пенсионер) бара.
Моннан тыш, 1 миллионнан артык пенсионер Төмән өлкәсендә теркәлгән. Унлыкны Чиләбе өлкәсе яба – монда 978 мең өлкән кеше исәпләнә.
Шул ук вакытта иң аз сандагы пенсионерлар илнең ике төбәгендә генә – Чукотка автономияле округында һәм Ненец автономияле округында теркәлгән. Бу төбәкләрдә 15 меңнән азрак пенсионер яши.
