Татарстан Милли архивын утыз елга якын җитәкләгән Людмила Горохова вафат
1986-2015 елларда Людмила Горохова Татарстанның Милли архивының директоры була.
Татарстан Милли архивының элеккеге директоры, оешманы утыз елга якын җитәкләгән Людмила Горохова 6 мартта вафат булган. Бу турыда «Татар-информ» хәбәр итте.
«Людмила Васильевнаны хезмәттәшләре зыялы, мәрхәмәтле, таләпчән һәм гадел җитәкче буларак истә калдыра. Ул һәрвакыт хезмәттәшләренең һөнәри үсешен кайгыртты», — диелә Татарстанның Архив эше буенча дәүләт комитеты хәбәрендә.
Людмила Горохова Мәскәү Тарих-архив институтын тәмамлагач ук, 1966 елда Татарстан архивына эшкә урнаша. Өч елдан соң ул документларны куллану бүлегенә күчә һәм архив директоры урынбасары вазифаларын үти башлый.
1986-2015 елларда Людмила Горохова Татарстанның Милли архивының директоры була.
