Барлык язмалар news_header_top_970_100
news_header_bot_970_100
Язманы тыңлагыз

«Татарстан – милләтләрнең һәм конфессияләрнең үзара татулыгы, килешеп гомер итүе үрнәге»

news_top_970_100
«Татарстан – милләтләрнең һәм конфессияләрнең үзара татулыгы, килешеп гомер итүе үрнәге»
Владимир Васильев / "Татар-информ" архивы

Татарстан Республикасы Рәисе Рөстәм Миңнеханов Халыклар бердәмлеге көне белән тәбрикләде.

«Хөрмәтле татарстанлылар!

Кадерле ватандашлар!

Сезне Халыклар бердәмлеге көне уңаеннан чын йөрәктән тәбрик итәм!

Россия дәүләтенең күпгасырлык тарихы – халкыбызның гаять зур рухи куәткә ия булуын тагын бер кат раслый торган ачык дәлил.

Дүрт йөз ел элек туган җирне азат итү, эчке фетнәне бастыру өчен күтәрелгән көрәштә барлык катлау һәм барлык халык вәкилләре бергәләшеп катнашты. Аннан соңгы гасырларда да илбасарлар нык ихтыярыбызны, үз-үзебезгә ышанычыбызны, ирекле тормышка, хаклыкка, бердәмлеккә омтылышыбызны какшата алмады.

Илгә моңарчы күрелмәгәнчә көчле басым ясалган хәзерге чорда Ватанның батыр уллары – алар арасында татарстанлылар да бик күп – Россиянең бәйсезлеген, иминлеген саклый. Бу алга таба да шулай булачак.

Татарстан Россиянең дәүләтчелеген, бердәмлеген ныгытуга лаеклы өлеш кертә, милләтләрнең һәм конфессияләрнең үзара татулыгы, килешеп гомер итүе үрнәге булып тора. Төрле халыкларның вәкилләре хакимият органнары белән хезмәттәшлектә үзенчәлекле мәдәниятләрен, телләрен, күркәм йолаларын саклау һәм үстерү өчен тырыш хезмәт куя.

Милли мәдәниятләр һәм гореф-гадәтләр елында бай рухи хәзинәләребез дәверләр һәм буыннар бәйләнешендә, тарихи-мәдәни мирасыбызда аеруча калку чагылыш таба. Милләтенә карамастан, һәр кеше өчен яшәешнең нигезен Ватанга тугрылык, ярдәмләшү һәм гаделлеккә ирешү теләге тәшкил итә.

Хөрмәтле татарстанлылар, кыенлыкларга бирешмичә, барыбызга да хас булган тормышны ярату, бердәмлек һәм алдагы көннәргә өмет белән, уртак Ватаныбыз – Россия Федерациясенең якты киләчәген тәэмин итүгә лаеклы өлеш кертербез дип ышанам.

Сезгә ихлас күңелдән саулык-сәламәтлек, тынычлык, игелек һәм бәхет телим!»

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100