Татарстан кызын вәхшиләрчә үтергән Самара егетен хөкем иттеләр
23 яшьлек Түбән Кама кызы белән 29 яшьлек Самара егете урамда танышкан булган.
Татарстан Тикшерү комитеты матбугат хезмәте хәбәр иткәнчә, егет төрмәдән чыккан һәм Түбән Камага акча эшләргә килгән. 2017 елның августында ул кыз белән танышкан. Кыз егетне фатирына чакырган.
Соңрак, сентябрь аенда, егет тагын кызның фатирына килгән һәм корбанының муенына пычак белән суккан. Нәтиҗәдә 23 яшьлек кыз үлгән. Җинаятьче исә фатирдан алтын бизәнгечләрне һәм 100 меңгә якын акча урлап качкан.
Суд карары нигезендә бу кешене 19 елга ирегеннән мәхрүм итеп, каты режимлы колониягә озатканнар.