Татарстан күгендә НЛО күргәннәр? (видео)

Чаллы кешеләре төнге күктә гаҗәеп күренеш - "Глонасс-М" иярчене ракетасы эзен күреп, видеога төшергән. Бу турыда "Татар-информ" хәбәр итте.

Социаль челтәрләрдә чыккан фото һәм видеоларда төнге күктә очып баручы объект күренә.

Кешеләр моны күреп гаҗәпкә дә, куркуга да калган. НЛО микән дип фаразлаучылар да табылган.

• Кичә төнлә Плесецк космодромыннан җибәрелгән "Союз-2.1б" ракетасы "Глонасс-М" иярченен орбитага чыгарды. Ул 19,2 мең километрдан югарырак биеклектә оча.
  

Иярченне башка төбәкләрдә дә күреп, видеога төшергәннәр. Бу видеоны РЕН ТВ күрсәтте: