«Актаныш-информ» сайтыннан окрошка рецептын тәкъдим итәбез.
Ингредиентлар (1 порция өчен): 300-350 грамм куас, 80-100 г пешкән ит, 50 г яшел суган, 50 г кыяр, 1 йомырка, 100 г катык, әз генә горчица, тоз һәм шикәр комы.
Эш барышы. Пешкән йомырка сарысын угыч аша уабыз да бераз гына горчица һәм шикәр комы кушып болгатабыз. Шуны куаска (өйдә әзерләнгән булса — тагын да яхшырак) салып, суыткычка куябыз.
Яшел суганны ваклап, пешкән итне, кыяр, йомырка агын озынчалап турыйбыз. Барысын бергә куаска салып болгатабыз һәм яңадан 30 минутка суыткычка озатабыз.
Окрошканы тәлинкәләргә бүлеп, укроп сибәбез, катык белән табынга бирәбез.