K-Ru псевдонимы белән рэплар башкаручы Рөстәм Нурисламов өйләнгән. Артистның туенда җырчы Раяз Фасыйхов та булган. Җырчы социаль челтәрләргә яшь парның фотосын урнаштырып: «Рөстәм белән Әлфияне котлап чыктым бүген. Туегыз белән!» – дип яза.
Рөстәм Нурисламов башта рус телендә генә җырлаган. Аны татарча җырлар башкарырга беренче татар рэперы Шәкүр иҗаты рухландырган. Ул 2008 елда Шәкүр белән бергә үзенең беренче татарча җырын яздыра. Артист бүгенге көндә Yummy Music татар инди-лейблында эшли.
Фото: © Раяз Фасыйховның социаль челтәрдәге сәхифәсеннән
