«Татар радиосы» алып баручысы Лилия Кадыйрова сөйгәне Илфат Вакказов белән никах укыткан. Тормышындагы куанычлы вакыйга турында Лилия үзенең социаль челтәрдәге сәхифәсендә яза. Никахлашуның матур мизгелләре белән бүлешеп ул: «Хәзер без гаилә! Мин яратам сине, Илфат», – дип язып куйган.
Яңа кавышкан парга дус-ишләре бик күп матур теләкләр калдырганнар. «Бәбкәм, котлыйм сине каты-каты итеп. Бик бәхетле булыгыз, яме», – дигән алып баручы Гөлназ Сәфәрова. Журналист Гөлинә Шәйхи: «Авыл өендә, ипигә тәмле сөт өсте ягып, гөр-гөр килеп чәйләп утыра торган һәм «минем кечкенә буласым килә» диярлек кешең шушыдыр инде. Бәхетле булыгыз», – дигән. Скрипкачы Динә Закирова: «Котлыйм, менә яхшы хәбәр! Бәхет телим чын күңелдән», – дип сөенгән.
Матур теләкләргә без дә кушылабыз! Бәхетегез гомерлек булсын!
