Баулы районының Татар Кандызы авылында яшәүче ир-ат ут төрткән өчен суд каршына басачак. Бу турыда Татарстан прокуратурасына сылтама белән «Челнинские известия» хәбәр итте.
Ведомство белешмәсе буенча, 2025 елның августында бу ир-ат, исерек килеш, күрше хатынның 80 рулон печәнен яндыра.
Күрше хатынга килгән зыян 112 мең сумга бәяләнә. Баулы шәһәр суды гаепләү карарын раслаган, хәзер бу ир-атны 5 елга кадәр ирегеннән мәхрүм итүләре ихтимал. Җинаять эше материалларын судка тапшырганнар.
