Татар эстрадасындагы тагын бер буйдак егет «камыт кияргә» җыена. Зәйнәб Фәрхетдинова һәм Зөфәр Билаловларның улы, җырчы Акбулат өйләнә.
Берләшкән Гарәп Әмирлекләрендә ял иткәндә, «Бурдж-Хәлифә» манарасы янында Акбулат үзенең сөйгән кызы Әдиләгә тәкъдим ясаган. Әдилә егетнең тәкъдимен кабул итә. Әлеге видеоны Акбулат сторисларында күрсәтә.
Видеога йөрәк һәм йөзек рәсемнәре куеп, ул: «Тормышымда яңа бүлек башлана», – дип язган.