Татар эстрадасының иҗади парларының берсе – Айрат Ильясов белән Ләйсән Сөнәгатова – шатлыклары белән бүлеште. Алар зур эшкә тотынган – артистлар гаиләсе йорт сала башлаган. Бу хакта алар социаль челтәрдәге сәхифәләрендә уртаклашты.
«Минем күптәнге хыялым чынга аша. Безнең зур йортыбыз», – дип шатлыгы белән уртаклаша җырчы Ләйсән Сөнәгатова
Алып баручы Айрат Ильясов йорт өчен китерелгән төзелеш материалларын күрсәтсә, аның җырчы хатыны йорттагы бүлмәләр белән таныштырды. Әле йортның эчке эшләренә тотынмауларына карамастан, җырчы һәр хуҗабикә өчен мөһим булган мәсьәлә буенча ярдәм сорады. Ул «кухня»га кайда заказ биргән идегез» дип сораштыра.
