Гүзәл Уразованың «Ак розалар» җырының адашы дөнья күрде. Шул ук исемдәге җырны автор-башкаручы Гүзәлия яздырган.
«Бу җырның тарихы бик үзенчәлекле һәм үзе бер могҗиза булды бит әле. Дустым Эльвира Әхмәтова, көтмәгәндә, төнгә каршы «Ак розалар» текстын җибәрде. «Үзеннән-үзе туды бу текст», – дип язды. Ә аңа кадәр 2-3 көн элек мин ак розалар белән фотосессия ясаган идем. Сәбәпсез. Нигәдер нәкъ менә ак розалар белән төшәсем килде. Интуиция диярсез. Бәлкем. Миндә интуиция бик көчле.
Автордашларым Эльвирага, Юра Федоровка рәхмәт белдерәм», – дип язган Гүзәлия социаль челтәрдәге сәхифәсендә.