Татар эстрадасы артисты Вилдамир Баһау (Вильдамир Бахау) вафат булган, дип хәбәр итә «Шәһри Казан».
«Бүген безнең кадерле классташыбыз, безнең туганыбыз Вилдамир вафат булды. Исән булган чагыбызда кайгырырбыз, хәтерләрбез. Мин моны нинди сүзләр белән әйтергә икәнен белмим. Гаиләсенә кайгы уртаклашу сүзләре», – дип язган классташы Люсана Гирфанова.
Вилдамир Казанның 7нче хастаханәсендә йөрәк авыруыннан вафат булган.
Җырчы белән хушлашу 7нче хастаханәдә 9:00 сәгатьтә башлана. Мәрхүмне Башкортстанның Краснокама районы Артаул авылында җирләячәкләр, дип яза «Матбугат.ру».
