«Татар эстрадасы артистларының котырган көне бугай»: эшмәкәр комсыз артистлардан зарлана

Казанда туңдырма астында профитроли, тәм-томнар сата торган бер кибет хуҗабикәсе татар эстрадасы артистларына шаккаткан. «Берсе 250 сум ташлама өчен бер тәүлек «башымны ашый»», – дип гаҗәпкә калган ханым. Аның сүзләренчә, артистларга кыйммәтле рекламалар бирүдән дә файда юк.

«Бүген татар эстрадасы артистларының котырган көне бугай. Бүген берсе 15 меңгә товар алып, реклама ясады дип атала. 5 «подписчик» керде. Заказалары турында әйтеп тә тормыйм. 5 штук «подписчик»! 15 мең якынга товар алып.

Берсе 250 сум ташлама өчен инде 1 тәүлек «башымны ашый». Икесе дә – татар эстрадасында нык танылган артистлар. Аларга акча түләми башлаганнармы әллә? Ай Аллам, кая тәгәри бу дөнья», – дип шаккаткан эшмәкәр.