«Татар малай» сәхифәсен алып баручы блогер Ренат Галиәхмәтовның хәләл җефете, блогер Илүзә сүгенергә мәҗбүр булган. Аларның яңа фатирын өченче тапкыр су баскан.
«Безне өченче тапкыр су басты. Ел саен шушы хәл! Минем берни дә сатып аласым һәм ремонт ясыйсым килми. Обойларны әле ябыштырган гына идек бит. Тагын шушы хәл. Бу – өченче тапкыр бит. Ике бүлмәдә шул хәл, икенче бүлмәдә тагын шкафны сүтәргә кирәк. Ачуым чыкты. Теләсә нишләсеннәр, бу юлы бер тиен дә чыгармыйм!» – дип, хич-кичерешләре турында язган ул.