Татар блогеры әтисенең туган көненә бер кәстрүл «салкын пилмән» бүләк иткән
Фирүзә Мансурова 3Д торт ясаган, ул кәстрүл формасында һәм өстенә пилмән куелган.
Танылган аш-су блогеры Рафилә Шәмсетдинованың сеңлесе төрле тортлар пешерә. Бу юлы ул әтисенең туган көненә кәстрүл формасында 3Д торт пешергән, пилмәннәре дә бар.
Алар өч бертуган кыз гаиләләре белән әтиләрен туган көне белән котларга авылга кайткан.
«Сине көтеп пилмән суынып бетте инде», — дип ишектән торт белән каршы ала кызлары әтиләрен. «И, җылытып алырбыз аны», — ди әтисе шаяртып.
Фирүзәнең битен күзәтеп баручылар аның фантазиясе бай булуына, тортның, чыннан да, кәстрүлгә охшавына, ә аның киселешен күреп, авызларына су килүе турында язып калдырган.
