Татар блогеры “Татар-малай” бер центнерга якынлаша
Халык бу тазаруның сәбәбен дә ачыкларга өлгергән.
Татар блогеры Ринат Галиәхмәтов 5 ел эчендә ничә килога ябыкканы һәм яңадан тазарганы турында Инстаграмда фотоколлаж урнаштырган.
2013 елда ул 102 кило авырлыкта булган, 2015тә 29 килога ябыккан, ә быел аның тән авырлыгы тагын центнерга якынаеп килә.
Халык аның тазару сәбәбен өйләнүендә күрә: сөйгән яры тәмле ашатканда, нинди дөрес туклану булсын инде, дип язалар. Йортка хатын алып кайту килешкән, имеш.
Комментаторлар Ринатка шелтә дә белдерә, блогерны яклап та чыга:
“Ник фитнес белән шөгыльләнмисең?!”
“120не бас!”
“Ринат, болай булмый, әйдә кимет авырлыгыңны. Уртадагы фотода – чын Аполлон!”
“Ужас! Хатын-кызда гына корсак була, бу ни бу?!”
“Кеше гармун түгел, үзеңне ничек бар, шулай яратырга кирәк. Буген ябыгу, иртәгә тазару дөрес түгелдер ул?”
“Татар-малай” үзе бу фотоколлажны “С – стабильлек” дип атаган.