Татар блогеры Исмегөл ападан кышка борщ әзерләү рецепты
Кышын ашка салып җибәрергә бик җайлы булачак.
Саба районы Иләбәр авылында яшәүче татар блогеры Исмегөл ападан кышка борщ рецептын тәкъдим итәбез.
Ингредиентлар: 2 кг чөгендер, 2 кг помидор, 1 кг суган, 1 кг кишер, 1 кг кәбестә, 1 зур болгар борычы, 1 баш сарымсак, 3 аш кашыгы тоз, 1 аш кашыгы шикәр комы, 3 лавр яфрагы, 10 данә кара борыч, 2-3 аш кашыгы сыек май, 9 аш кашыгы 9 процентлы аш серкәсе.
Кишер, чогендерне угычтан уарга, помидор, суган, кәбестә, болгар борычын саламлап турарга, сарымсакны кыскыч аша чыгарырга да, тоз, шикәр комы салып 40 минутка калдырырга, болгатып алырга. Аннары сыек май салып, кайнап чыккач, 20 минут кайнатырга, аш серкәсе салып тагы 5 минут кайнатырга да стерильләштерелгән банкаларга салып, капкач белән каплап, төреп куярга.
