Икра өчен кирәк: 3 килограмм ташкабак, 100 грамм көнбагыш мае, 250 грамм томат пастасы, 250 грамм майонез, 100 грамм шикәр комы, 1 аш кашыгы тоз, 0,5 чәй кашыгы кызыл борыч, 2 аш кашыгы 9 процентлы уксус, 10 тырнак сарымсак.
Ташкабакны чистартып, иттарткычтан чыгарырга. Аннары зур кәстрүлгә бушатып, көнбагыш мае салып, 1 сәгать пешерергә.
Шуннан соң томат пастасы, майонез, шикәр комы, тоз, кызыл борыч һәм уксус салырга. Барысын бергә тагын 1 сәгать пешерергә. Азактарак сытылган сарымсак кушарга.
Әзер ташкабак икрасын кайнар килеш стериль банкаларга тутырырга, калай капкач белән ябарга. Бу рецепт буенча 0,5 литрлы 6-7 банка чыга.
