«Туган як» сайтыннан ананас согында кайнаган ташкабак кайнатмасы рецептын тәкъдим итәбез.
Ингредиентлар: 2 килограмм ташкабак, 700 миллилитр ананас согы, бер чәй калагы лимон кислотасы, чеметем генә ванилин, бер стакан шикәр комы кирәк булачак.
Ташкабакны орлыкларыннан һәм кабыгыннан чистартырга, үзегез теләгәнчә боҗралап яки шакмаклап турарга.
Шуңа бар әйберләрне дә кушып болгатырга һәм кайнатырга куярга. Кайнап чыккач, салмак утта 15 минут тотарга.
Кайнар килеш стерильләштергән банкаларга тутырырга, калай капкач белән капларга.
