Мамадыш районы Олыяз авылында яшәүче Гөлнара Галимуллинадан ташкабак (кабакның каты кабыклы сорты) белән лимоннан кайнатма рецептын тәкъдим итәбез.
Ингредиентлар: 1 кг ташкабак, 700 грамм шикәр комы, 2 лимон.
Ташкабакны вак итеп турарга яки эре угычтан чыгарырга, лимонны вак итеп турарга. Шикәр комы сибеп, 2-3 сәгатькә яки төнгә калдырырга.
Шушы катнашманы кайнатып алырга, сүрән утта 5 минут тотарга. Кайнатма суынгач, тагын шулай эшләргә, ахырдан 30 минут кайнатып сүндерергә.
«Бик тәмле куе кайнатма була. Чәй янына да, пироглар эчлегенә дә бик әйбәт», – дип яза Гөлнара ханым.
Фото: © Гөлнара Галимуллина