Ташкабактан кабымлык рецепты

Ташкабак - файдалы диетик яшелчә, анда С витамины бар. Ул тән тиресенә, кан тамырларына уңай йогынты ясый. Шуңа күрә ташкабак запасы булганда ешрак кулланып калырга кирәк.

Ингредиентлар: ташкабак, помидор, сарымсак, сыр, петрушка, каймак (майонез) үсемлек мае, тәмләткечләр.

Ташкабакны боҗралап турарга, тәмләткечләр сөртеп ике ягын да үсемлек маенда кыздырып алырга.

Помидорны түгәрәкләп яки ярымбоҗралап турарга.

Сырны һәм сарымсакны угычтан уарга, каймак яки майонез салып болгатырга.

Кабымлыкны җыя башлыйбыз. Ташкабак (мин юкарак тураганмын, шуңа кыздыргач ике катлы иттем) өстенә помидор, аннары сыр белнә сарымсак катнашмасы салырга һәм петрушка белән бизәргә.