Ташкабак боҗрасында ит белән дөге пешерү рецепты
Ташкабак боҗраларын көздән катырып куярга да мөмкин.
Яңа елдан соң ташкабакларның орлыклары борный башлый, шуңа аларны алга таба саклаудан мәгънә юк.
Ташкабакны боҗралап турарга, кабыгын һәм эчен чистартырга. Тоз һәм үзегез яраткан тәмләткечләрне сибәргә һәм бер ягын үсемлек маенда кыздырып алырга. Икенче ягын әйдәндерергә дә эчлек салырга.
Эчлек өчен: фарш, дөге яки бәрәңге, тоз, борыч, яңа өзелгән помидор, каты сыр, каймак яки майонез, яшеллек.
Фаршка дөге яки угычтан уып чи бәрәңге салырга, тоз һәм борыч салып болгатырга. Бу массадан шарчыклар ясап ташкабак боҗрасына салып, кул белән басып алырга. Өстенә телемләп киселгән помидор куярга.
Каты сырны угычтан уарга, укроп яки петрушканы турарга, майонез яки каймак белән болгатырга. Бу массаны помидор өстенә җәяргә. Табага берәр стакан кайнар су салырга.
Ташкабак боҗраларын 180 градуска кадәр кызган духовкага 35-40 минутка куярга.
Ташкабак боҗраларын көздән әзерләп катырып куярга да мөмкин.