Тарттырганда ычкынып киткән ыргак КАМАЗ йөртүченең ярты башын кыеп алган

Марий Эл республикасында куркыныч авария булган. Республика буенча Юл хезмәте куркынычсызлыгы дәүләт инспекциясе хәбәр итүенчә, Звенигово районында урман юлында КАМАЗ машинасы бата. Йөк машинасының 33 яшьлек йөртүчесе тарттырып чыгару өчен 47 яшьлек ир-атны ярдәмгә чакыра. Ул "Урал" машинасында КАМАЗны өстерәтә башлый. "Урал"га эләктергән тимер ыргак ычкынып китеп, КАМАЗга таба оча һәм алгы тәрәзәне ватып кереп йөртүченең башына тия. Ул аның ярты башын кисеп кенә ала. Йөртүче шунда ук һәлак була.