Свердловск өлкәсендә балалар бакчасында тәрбияче хатын 5 яшьлек баланың борынын имгәткән. Ул баланың тәртибе начар булган өчен көч кулланган. Бу турыда «Вести» каналы хәбәр итте.
Якынча версия буенча, 5 яшьлек малай шуклангач, тәрбияченең ачуы чыккан. Тәрбияче суккач, баланың борыны канаган.
«Комсомольская правда» белешмәсе буенча, әни кеше улын бакчадан алырга килә. Ул баласының борыны канавын күреп ала. Малай үзенә тәрбияче сугуын әйтә. Аннары баланы шәһәр хастаханәсенә алып баралар. Сабыйны ЛОР-табиб карый.
Хәзер тикшерү эшләре бара, диелә хәбәрдә.