Тәрәзә төбендә яшел суган кыягы үстереп була. Моның өчен суганны суга утырту хәерле. Бу турыда киңәшләр сайтында язылган.
Кыяк үстерү өчен 2,5–3,5 см үлчәмдәге суганнарны алыгыз. Алар бәрелмәгән, черемегән булсын. Кыяклана башлаган суганчаларны алу яхшы була.
Суганчаның өске өлешен сак кына кисеп алып, 24-48 сәгатькә суга салып куегыз. Суны алмаштырып торыгыз. Ул 35-40 градус температурада булсын. Аннары шулкадәр үк вакыт янтарь кислотасы яки калий гуматы эремәсенә салып куегыз (моның өчен берничә тамчы кислота яки гуматны бер стакан җылымса суда эретегез). Болай эшләү тамыр системасы яхшы булсын өчен кирәк. Өч көндә тамырлар чыга һәм тиз генә кыяклар да үсә башлый.
Тагын бер ысул - суганчаны үстерәсе суда комплекслы минераль ашлама тозларын эретү.
Суганчалы савытны җылы урынга куегыз. 22... 24 градуста суган кыяклары тизрәк үсә.
Суганның тамыр системасы өйдә кечкенә савытта туклыклы туфрак катнашмасы кулланып үстерергә дә яраклы, диелә хәбәрдә.