Тараканнарның нинди файдасы бар?
Планетада тараканнарның 5 меңгә якын төре бар.
Биолог Джордж Беккалони фикеренчә, планетада яши торган тараканнарның 5000 төренең бары тик утызы гына кешеләр өчен зыянлы. Калганнары исә әйләнә-тирәлек өчен файда китерә. Бу турыда «Челнинские известия» яза.
Беренчедән, бу бөҗәкләр череп ята торган ризыкларны һәм хайван үләксәләрен ашый.
Икенчедән, тараканнар үсемлекләр үсеше өчен кирәкле матдәләр бүлеп чыгара.
Өченчедән, алар үзләре кошлар, кайсыбер илләрдә хәтта кешеләр өчен ризык булып тора.
Тик кеше торагында яши торган тараканнар авыру таратырга мөмкин — аларның төп зыяны шул. Алар дизентерия, гастроэнтерит, урогениталь инфекцияләр, менингит, пневмония һәм башкалар авырулар ияртергә мөмкин. Тараканнар колакка кереп, җитди ялкынсыну китереп чыгаруы да ихтимал, диелә хәбәрдә.