"Тараканнар үрчесен өчен барлык шартлар тудырылган". Роспотребнадзор Казанда кафе-пекарняны япты
Чистай урамындагы "Трефоль" кафесында тараканнар табылган дип хәбәр итә Роспотребнадзор.
Роспотребнадзор хәбәр итүенчә, бер квадрат метрда 5-6 таракан табылган. "Тараканнарның үрчүе өчен барлык шартлар да тудырылган - идән пычрак, вентиляция люклары, түшәмнәрдә тишекләр бар", - дип хәбәр итә ведомство.Кафе хуҗабикәсенә административ протокол төзелгән. Пекарняга бу җитешсезлекләрне юкка чыгарырга 80 көн вакыт бирелгән. Шушы вакыт эчендә аның хезмәт күрсәтергә хакы юк - кафе-пекарня ябылган.
