Танылган журналист, җәмәгать эшлеклесе, РИА Новостиның элеккеге хезмәткәре Андрей Малосолов 50 яшендә вафат булган. Бу турыда РИА Новости яза.
Ул 1995-2005 елларда РИА Новостида хәбәрче була. Кайнар нокталарда хәрби корреспондент булып эшли, шул исәптә Югославиядә дә.
2005-2010 елларда Россия футбол бергәлегенең матбугат хезмәтен җитәкли. Ул – Россиядә футбол җанатарларының бөтенроссия бергәлеген оештыручыларның берсе. Үзе Мәскәүнең ЦСКА футбол клубы өчен җаната, диелә хәбәрдә.