Танылган журналист Ларри Кинг вафат
Үз гомерендә Ларри Кинг илле меңнән артык интервью алган.
Дөньяда танылган алып баручы Ларри Кинг 87 яшендә вафат булды. Бу турыда РИА Новости хәбәр итте.
Журналистның Twitter аккаунтында хәбәр ителгәнчә, ул Лос-Анджелестагы хастаханәләрнең берсендә үлгән.
Ларр Кинг гыйнвар башында коронавирус йоктырып, хастаханәгә эләккән булган. 2017 елда ул үпкә яман шеше белән көрәшүен әйткән иде. 2019 елның апрелендә аңа ангиопластика ясаганнар, былтыр инсульт булган.
— Larry King (@kingsthings) January 23, 2021
Үз гомерендә Ларри Кинг илле меңнән артык интервью алган. Ул телевидениедә «Larry King Live» тапшыруы белән бөтен дөньяга танылды. Тапшыру CNN каналында 1985-2010 елларда чыкты. Анда ике тапкыр — 2000 һәм 2010 елда Владимир Путин да катнашы.
Россия Президенты Лари Кинг үлеме сәбәпле кайгы уртаклашты.
