Танылган телевидение алып баручысы Илфат Абдрахманов хәзер нинди?
Без Илфат Абдрахмановны һәрвакыт рәсми стильдә күрергә ияләнгән. Классик костюм, галстук, күлмәк. Кыскасы, бик җитди кыяфәт...
Илфат хәзер телевидениедә эшләми. Әмма без аны рәсми итеп истә калдырдык. Инстаграмда Илфат Абдрахмановны күзәтеп баручылар исә бу көннәрдә бөтенләй башка төрле Илфатны күрде. Джинс куртка, яшьләрчә шапка, футболка. Һәм яшьләрчә елмаю! Баксаң, Илфат "Созвездие - Йолдызлык" фестиваленең сайлап алу турларында эшли икән. Яшьләр янында яшьләрдән бер дә ким күренми үзе!
