«Эфир» телекомпаниясенең иң тәҗрибәле операторларының берсе Владимир Ладушкин вафат булган. Аңа 70 яшь иде. Бу турыда «Татар-информ» хәбәр итте.
Озак еллык хезмәт юлында Владимир Ладушкин бик күп рәхмәт хатларына лаек булган. Аны тамашачылар да, Казан мэриясе дә, Татарстан Хөкүмәте дә бүләкли.
Мәрхүм белән хушлашу 30 майда 13.30 сәгатьтә Казанда Себер тракты, 31а йорт янында була, диелә хәбәрдә.