Танылган татар продюсеры, татар альтернатив музыкасын танытучы Ильяс Гафаров өйләнгән!
Ул сайлаган яр - К. Тинчурин исемендәге дәүләт драма һәм комедия театры актрисасы Гүзәл Галиуллина.
Ильяска 31 яшь, ул 2000 еллар башыннан бирле татар алдынгы музыкасын пропагандалый. Гасыр башында "Иттифак" рэп-төркемен оештырып, аның солисты булган шәхес. Соңгы елларда Гафаров республикада алдынгы татар музыкасын таныткан барлык диярлек чараларны оештырып килә. Мәсәлән, ул ТатКультФәст шәһәр мәдәнияте фестивален оештыручыларның берсе.
Ильяс белән Гүзәлнең никахы Казанның Әҗем мәчетендә булган, ахрысы, чөнки Гүзәл инстаграмында шул мәчетне билгеләгән.
Моңарчы Ильяс Гафаров татар халкының иң кызыктыргыч буйдаклары исемлегендә иде. Ул исемлекне Интертат 2018 елда төзеде. Буйдаклар исемлеге кыскара бара, чөнки ул язма чыкканнан соң күпләр инде өйләнде. Тулырак укыгыз.