Кукмара блогеры Тәнзилә Идиятуллина туганының кабак уңышына сөенә. Быел аның Резеда апасының бакчасында могҗиза-кабаклар үскән.
«Иң зурысы 35 килограмм иде. Апай бүген кабак бәлеше пешереп, кунакка чакырды. Дөрес, ашаганчы, башта кабакларын ташырга туры килде», – дип шаярткан ул.
Язылучылары авыл апаларының үз кәефләрен үзләре күтәреп, матур итеп аралашып яшәүләренә соклануларын белдерәләр. «Юктан да бәйрәм ясап йөрисез, булдырасыз», – дип яза алар.
Фото: © социаль челтәрдән