Баянчы, бик күп халыкара бәйгеләр җиңүчесе, Кариев театры актеры Ильяс Шәрипов сөйгән кызына кияүгә чыгарга тәкъдим ясаган. Яшьләр Чаша янында басып тора, бәхетле кәләш чәчәк бәйләмен һәм йөзеген күрсәтә. Әлеге видеоны Ильяс социаль челтәрләргә куйган һәм: «Без хәзер өчәү булдык – мин, ул һәм баян!» – дип язган.
Кәләшнең исеме дә бик матур – Гөлшәһидә. Ул – КФУ студенты.
Сәхнәдәш дуслары музыкантны әлеге шатлыклы вакыйга белән котлап, комментарийлар калдырганнар.
«Бәхетле булыгыз, яме. Мәктәптә укыган чагыңнан ук беләм сине, шәп егет син. Парың да үзең кебек булсын. Яратып, яратылып яшәргә язсын», «Котлыйм, сез әле бер-берегезгә охшагансыз», «Булдыргансың, Ильяс. Төкле аягы белән», – дип язалар алар.