Танылган актриса вафат булган
"Моя прекрасная няня" һәм "Интерны" сериалларының актрисасы Наталья Корчагина вафат булган.
Россиянең атказанган артисткасы Наталья Корчагина 71 яшендә вафат булды. Бу хакта театрның рәсми аккаунтында хәбәр чыккан. Корчагина Мәскәүнең яшь тамашачылар театры актрисасы иде. Анда ул 1974 елдан бирле эшли.
Наталья Корчагинага мактаулы исем 2002 елда бирелде. Тамашачыларга ул "Моя прекрасная няня", "Шериф", "Интерны" сериаллары аша таныш.
Актриса белән хушлашу театр бинасында 8 ноябрьдә булачак. Актрисаның вафат булу сәбәбе әйтелми.
