Танылган актриса песи китереп чыгарган янгында пешеп беткән, кызы да имгәнгән

Актриса Вера Воронкова Яңа ел чыршысына ут кабудан килеп чыккан янгында имгәнгән. 56 яшьлек хатынны Мәскәүдә хастаханәгә салганнар. Аның кулларына һәм колагына пластик операция ясаганнар. Бу турыда РЕН ТВхәбәр итте.

Хәзер Воронкованың хәле яхшыра башлаган.

Янгынны исә песи китереп чыгарган. Фаҗига вакытында песи һәлак булган. Актрисаны реанимациягә китергәннәр, аның кызы да имгәнгән.

Вера Воронкова — театр һәм кино актрисасы, Россиянең атказанган артисты. МХАТ мәктәп-студиясен тәмамлаган. «Предчувствие», «Марш Турецкого», «Каменская-4», «Журов» кебек киноларда төшкән.