Россия Тикшерү комитеты рәисе Александр Бастрыкин Фонтанкадагы Яшьләр театрында эшләүче 59 яшьлек Вадим Волков үлеме сәбәпләрен тикшерергә кушкан. Бу турыда «Вести» каналы яза.
Социаль челтәрләрдә таралган белешмә буенча, актерны 18 яшьлек исерек егет электросамокат белән бәрдереп киткән. Бу факт расланса, җинаять эше ачылачак.
Мәрхүм актер Фонтанкадагы Яшьләр театрында 12 ел эшли. Ул кинода һәм телевидение тапшыруларында төшә. Тамашачылар аны «Убойная сила», «Улицы разбитых фонарей», «Ментовские войны», «Морские дьяволы», «Бандитский Петербург», «Тайны следствия», «Чужой район» һәм «Невский» сериаллары аша белә.
Ул «Жозефина и Наполеон», «Кабала святош/Мольер», «Севильский цирюльник», «Последнее китайское предупреждение», «Четыре танго о любви», «Наш городок», «Время для посещений» һәм «Жаворонок» спектакльләрендә уйнаган, диелә хәбәрдә.
