Тән температурасы күтәрелгән очракта кешеләр ясый торган хаталар турында гаилә табибы Татьяна Романенко сөйләгән. Бу турыда «Челнинские известия» яза.
«Пациентларның беренче хатасы – авыру симптомнарын, табиб белән киңәшләшмичә генә, дарулар белән бетерергә тырышу. Бу хатаны бик күп кеше ясый», – ди табиб.
Аның сүзләренчә, икенче хата – югары булмаган температураны тиз арада төшерү, ә болай эшләмәү хәерле. Бу – йөрәккә авырлык китерә.
Үзәк нерв системасы авырулары булган кешеләргә тән температурасын 38 градустан арттырырга ярамый, ди белгеч.