Зинира Рамазанованың бу концерт сезонында төшерелгән видеоларда чалбарлы костюмнар кигәне күренми. Җырчы күкрәк өлеше ачык, я арты ачык, кыска, ярымкыска берсеннән-берсе матур күлмәкләре белән тамашачылар күзен иркәли.
Ике бала әнисенең зифа буена сокланып утыручылар күп, хуплап, яратып смайликлар калдыралар видеолар астында.
Шулай ук җырчының образларын ошатмаучы да үз фикерен яза. «Зинира да чишенә башлаган, бер дә килешми, Ризат», – дип, җырчының иренә шелтә белдергән берәү.
«Әйдә, кыска күлмәк тә киеп ал инде, дип Ризат үзе әйтә», – дип сөйләгән Зинира Рамазанова бер интервьюсында.