Тамада Рәлиф Җамалиев кияүнең дусларын кәләшнең туфлиенә салынган эчемлек белән сыйлаган
Алып баручы, җырчы, тамада Рәлиф Җамалиев бер туйда кияүгә һәм аның дусларына кәләшнең туфлиенә салынган эчемлекне эчеп куярга тәкъдим иткән. Ул аны Башкортстанда шундый гореф-гадәт булуы белән аңлата.
«Дустың булса, шундый булсын»,- дип язган алып баручы.
Социаль челтәрләрдә чыккан видеода күренгәнчә, кияүгә ярдәм итәргә өч дусты чыга. Алар туфлидәге эчемлекне өчкә бүлеп эчеп тә куя. Яшьләр бик канәгать – көлешәләр, үзләрен алкышлыйлар.
Әмма бу видеоны караучылар бу «йола»ны бер дә хупламаган.
