Журналист, тамада Чулпан Гарипова социаль челтәрдәге сәхифәсендә әбисенең кыстыбый рецептын тәкъдим иткән.
«Камырга сода һәм йомырка салынмый. Кыстыбыйның камыры үтә күренмәле һәм авызда эреп китә торган була», –дип язган ул.
Камыр өчен 120 атланмай, 250 мл сөт, тоз, он кирәк булачак.
Эчлек өчен пешерелгән бәрәңгегә май һәм кайнаган сөт салып изәргә.
Кыстыбый пешерү тәртибе һәркемгә мәгълүм булганча, камырдан җәймәләр ясарга, ике ягын да майсыз табада кыздырып алырга. Аннары эчлек салырга.
Кыстыбыйны ашап бетерерлек итеп кенә атланмай белән майларга. Алдан майлап куйган очракта кыстыбыйлар ябышачак.
