Тамада Айрат Гәрәев матбугатка язылу турында кызыклы ролик яздырган
Алып баручы Инстаграмда Әнвәр Нургалиевнең "Соң дисең микән" җырына пародия элеп куйган.
"Кичә гәзиткә язылган идем,
Мунча ягарга кәгазь булыр дип.
Гәзите килми, мунча ягылмый,
Суык мунчада юынып булмый.
Суык мунчада юынып булмый.
Гәзите килми, мунча ягылмый.
Гәзите килми, мунча ягылмый.
Салкын мунчада юынып булмый.
Авылдан күкәй алып килергә
Гәзите кирәк аны аны төрергә
Гәзит булмагач, ул бит төрелми,
Шәһәргә күкәй бөтенләй килми.
Күкәй эчмәгәч, тавышың булмый
Гәзит булмагач, күкәе килми", - дип җырлый ул.
"Ә сез гәзитне ничек кулланасыз? Гәзиткә язылдыгызмы?" - дип сорый Айрат Гәрәев.
