Карелиянең Пряжинский районы Святозеро авылында 2 майда 9 яшьлек малайны талпан тешли. Бала комага китә. Хәзер ул күзләрен ачкан. Бу турыда https://gubdaily.ru яза.
Талпан кадалгач, ата-анасы тиешле барысын да үти. Алар паразитны анализга тапшыра, балага иммуноглобулин кертәләр. Беренче вакытта бала үзен яхшы хис итә – футбол да уйный, укуын да тәмамлый. Ләкин 20 майдан соң хәле кискен начарлана.
«Табиблар ана медикаментоз комага кертте. Кызганычка, ул үзе сулый алмый, аны ИВЛ аппаратына тоташтырдылар. Хәле авыр, ләкин хәзер стабиль. Бүген ул күзләрен ачты, тик озакка түгел. Улым, сулыш ала башларга кирәк!» – ди әтисе.
Балага табиблар операция дә ясаган булган, диелә хәбәрдә.
