Талия Миңнуллина эшлекле очрашуга долларлы күлмәктән килгән
Фотолар Инстаграм социаль челтәрендә «Татарстан News» аккаунтында чыкты.
Талия Миңнуллина эшлекле очрашуга долларлы күлмәктән килгән. Очрашудан фотолар Инстаграм социаль челтәрендә «Татарстан News» аккаунтында чыкты.
«Татарстанның Инвестицион үсеш агентлыгы җитәкчесе Талия Миңнуллина Дәүләт Думасы депутаты Равил Хөснуллин белән очрашып, Татарстанның инвестицион эшчәнлеге һәм энергосервис килешүе турында фикер алышты.
Әмма бу очрашу социаль челтәрләрдә зур бәхәс кубарды. Бигрәк тә халык агентлык эшчәнлегенә түгел, ә Талиянең гадәти булмаган киеменә игътибар итте. Агентлык җитәкчесе йөз долларлы купюралар сурәтләнгән күлмәк кигән иде, күрәсең, ул шул рәвешле республиканың зур финанс мөмкинлекләре барлыгын аңлатмакчы булган.
Соңрак агентлык җитәкчесе киемендәге мондый сурәтләрнең берни дә аңлатмавын әйткән: костюмны заказга тектермәвен, ә фабрикада тегелгән Европа бренды күлмәге булуын искәрткән.
Әйтергә кирәк, Инвестицион үсеш агентлыгы бинасында бәдрәф идәннәренә дә чит ил валютасы сурәте төшерелгән. Ә бәлки, ведомство агентлыгы визуализацияләү көченә ышанадыр, ә бәлки кемдер шул рәвешле читтән инвестицияләр җәлеп итүдәге ролен күрсәтмәкчедер», — дип язылган фото янына.