Таксист булып акча эшләргә теләгән пенсионер әбине үтереп коега ыргытканнар
Красноярск краенда таксист әбинең акчасына кызыгып үтергәннәр.
Красноярск краендагы Дудовка авылында яшәгән 69 яшьлек әби югала. Ул, акчасы җитмәү сәбәпле, таксист булып эшләгән булган, дип хәбәр итә крайның Тикшерү комитеты.
Шул авылда яшәгән бер хатын күршеләренә чәй эчәргә керә һәм сәерсенә: моңа кадәр акчасы булмаган гаиләнең табыны мул була. Өстәвенә, ишегалдындагы коеларын да күмеп куйган булалар. Коены көндез дә түгел, төнлә күмгән икәнлекләрен аңлый. Полициягә барып бу хакта сөйли.
Коены казыгач, анда таксист әбинең мәетен табалар, дип яза NGS24.RU. Җинаятьтә гаепләнүче — 25 яшьлек егет кулга алына. Ул әбинең акчасын таларга уйлый. Красноярскига барасым бар дип чакыра һәм юлда пычак белән куркытып, картасының пин-кодын белә. Аннары әбине суеп үтерә һәм өенә кайта. Мәетен коега ыргыта. Красноярскига барып, картасыннан акчаларын ала һәм машинасын калдырып, кайтып китә.