Владивостоктан киткән турист кызның Мисырда табылуы хакында Интерфакс хәбәр итте.
"Югалган Рима Хәмитова әтисе белән элемтәгә чыккан. Ул үзенең Хургада (Мисыр) шәһәрендә булуын әйткән. Аның барысы да яхшы", - дип әйткән иптәш кызы.
Әлегә кызның ни өчен югалганы билгеле түгел.
32 яшьлек турист Владивостоктан Таиландка турюллама буенча 30 гыйнварда киткән булган.
Юллама 10 февральгә кадәр булган. Рима 3 мартта элемтәгә чыкмый башлаган. Туганнары кызның югалуы турында хәбәр биргән.
Бәһрәйндагы Россия вәкиллеге хәбәре буенча, Рима Таиландтан Бәһрәйнга килгән, аннан Мисырга киткән.