Таиландта ял иткәндә Казаннан килгән унбер айлык кыз имгәнгән
Сабый өстенә мәрмәр плитә төшкән, баланың баш сөяге сынган.
Казаннан Таиландка ял итәргә килгәч, 11 айлык кыз бала имгәнгән. Бу турыда В Татарстане поймут телеграм-каналы хәбәр итә.
Бангкоктагы кунакханәдә бүлмәдә Алинә исемле сабыйның өстенә мәрмәр өстәл плитәсе ишелеп төшә. Алинәнең күзе янында баш сөяге сына, борыны урыныннан күчә.
Әти кеше өстәл плитәсен көч-хәл белән генә кызы өстеннән күчерә.
Әлеге фаҗига гаилә туган якка кайтыр алдыннан була. Ләкин планнар үзгәрә. Баланы хастаханәгә салалар. Баланы хастаханәдә берничә көн тоту өчен 1 миллион сум түләргә кирәк булуы ачыклана.
Хәзер әти белән әни кеше баланың төгәл диагнозы ачыклануын көтә. Алинәне дәвалау өчен алып кайтырга мөмкинме-юкмы икәнен дә билгесез әле, диелә хәбәрдә.