Тайландның Пхукет провинциясендә Майтон утравы янында Россия һәм Казахстан туристлары утырган катерда янгын чыккан, бер Россия туристы пешү җәрәхәтләре алган, дип яза ТАСС, җирле туристлык полициясе вәкилләренә сылтама белән.
Туристлык сәфәрләре өчен билгеләнгән катер Майтон утравы янында яна башлаган. Аның бортында 31 кеше булган, алар арасында – Казахстан һәм Россия туристлары да. Шартлау вакытында 30 турист инде суда булган, әмма 1 россияле бортта калган һәм пешү җәрәхәтләре алган.
Зыян күрүчене, кирәкле ярдәм алу өчен, оператив рәвештә медицина учреждениесенә китергәннәр. Калган 30 турист зыян күрмәгән һәм үз кунакханәләренә исән-имин әйләнеп кайткан, дип ачыклык кертә агентлык.