Таиланд башкаласы Бангкок шәһәренең исемен Krung Thep Maha Nakhon дип үзгәртәләр
Таиланд башкаласының тулы атамасы 40 аерым элементтан төзелә һәм дөньяда иң озын атама булып тора.
Таиланд хакимияте илнең башкаласы Бангкок шәһәренең атамасын Krung Thep Maha Nakhon дип үзгәртә. Бу турыда Таиландның Король фәнни советы гаризасына сылтама белән РИА Новости яза.
Ул «Фәрештәләр Шәһәре Бөек Башкала» дип тәрҗемә ителә. Bangkok атамасы рәсми булмаган исем булып кала.
Тай телендә башкала гел Krung Thep Maha Nakhon дип аталган, тик бу форма да кыскартылган икән. Аның тулы атамасы 40 аерым элементтан төзелә һәм дөнья иң озын атама булып тора.
Моңа кадәр Кытайның Пекин шәһәре атамасын да Beijing дип язу турында карар кабул ителгән. Игътибар итсәгез, бу көннәрдә бара торган Олимпиада символларында да шушы атама кулланыла.
Мьянма да башкаласының Rangoon атамасын Yangon дип үзгәрткән.
Бангкок шәһәренә 1782 елда нигез салынган. 2011 елдагы белешмә буенча, биредә 5,6 миллион кеше яши.